Maikäfer
„Maikäfer flieg…“
fräijer ins Pommerland!
Bei uns im Wold, aaf di Bisch, im Gaaddn…
Haafferd selmals am neier Gräi,
Bäim full,
ozwecherde zaggerde Blaadl!
Mid Schouhschachtln hommers zammdou,
Müller, Kaiser, Schlaoudfecher!
Gschaacherd hommer:
„Gisdma an Kaiser,
gräigsd zwor Schlaoudfecher und an Müller“!
Gnau agschaud:
Raouds Plaattl, schworz Kaappl, hellpelzers Mitzerl,
vorn fire gschdreggd zwor klitzekloine gschbreizde Kaampl,
schworz-weiß zaggerder digger Bauch,
braune horte Fligldeggl,
hint a schbidses, bongs Haakerl –
unser Maikäfer!
Akhauchd, dass lewende worn saann
und mid de Graglfäiss zaweld hom!
Maikäfer –
häind?
„Es gibt keine Maikäfer mehr…“!
© Dieter Radl